News and Updates

8 मे 2023, कापुर्णे, पेठ तालुका, नाशिक

जनजाती कल्याण आश्रम महाराष्ट्र, पेठ तालुका समिती कापूर्णे ग्राम पंचायत यांच्या सहकार्यामधून प्रांत व नाशिक जिल्हा यांच्या मार्गदर्शनाखाली ग्रुप ग्रामपंचायत कापुर्णे दाभाडी येथे 52 जोडप्यांचा भव्य सामुहिक विवाह सोहळा आयोजित करण्यात आला होता . तालुक्यातील बेहिसाब विवाह खर्च लक्षात घेऊन सामुहिक विवाह सोहळ्याचे आयोजन करण्यात आले होते. विवाहाच्या नावाखाली लाखो रूपये खर्च करण्यात येतो आणि आपला जनजाती समाज कर्जबाजारी होऊन चार-पाच वर्ष फेडण्यासाठी कवडीमोल रोजगार मिळवून आपले काही वर्ष वाया घालवतो हे सर्व कुठेतरी थांबावे ह्या उदेशाने कमीत कमी खर्चामध्ये विवाह सोहळ्याचे आयोजन करण्यात आले होते.

ह्या विवाह सोहळ्यातील वधू-वरांना लग्नाचा पोशाख, जीवनावश्यक संसारोपयोगी भांडी, व मंगळसूत्र, तसेच लग्नात येणाऱ्या सर्व व्यक्तींची भोजनाची व्यवस्था करण्यात आली. तसेच भव्य मिरवणुक काढण्यात आली होती. मिरवणूकीमध्ये वरांना खांद्यावर घेऊन नाचत मिरवणूक निघाली होती तसेच पारंपरिक रीतिरिवाजाप्रमाणे लग्न लावण्यात आले. पारंपरिक कला पथक वाजनत्री नृत्याने दाभाडीत आनंद मेळाच भरला होता . यावेळी प्रांत सचिव शरद जी शेळके, ग्रामविकास प्रमुख संजय भाई शहा – जिल्हा सचिव , जिल्हा संघटन मंत्री शिवदास पाडवी, आरोग्य आयाम देविदास देशमुख, ऍड गोरोक्षनाथ चौधरी, गवळी सर, दीपाताई रुपाली काजले, धनंजय जामदार, मधुकर भाले, राजेंद्र कुवर,सुनील सावंत,शांताराम बोलावकर देणगीदार हितचिंतक, नाशिक, पेठ तालुका समिती अध्यक्ष दौलत देशमुख, उपाध्यक्ष अंबादास वालारे, उपाध्यक्ष सोपान पवार, सचिव कैलास गारे, सहसचिव पद्माकर पवार हितरक्षा यांच्यासह 52 जोडप्यांचे नातेवाईक, वराडी मंडळी मोठ्या प्रमाणात उपस्थित होते .

रामदास वाघेरे तालुक्यातील कीर्तनकार, वरिष्ठ कार्यकर्ते आरोग्य रक्षक गट प्रमुख उपस्थित होते. पोलीस पाटील  मनोहर भोये, सरपंच उषाताई गवळी, सदस्य अंबादास भोये, ग्रुप ग्रामपंचायत अंतर्गत दाभाडी सर्व गावकरी यांचे मोलाचे सहकार्य लाभले. वधू वरांना आशीर्वाद देण्यासाठी डॉ. प. पु. रमणगिरी मौनगिरी महाराज उपस्थित होते. यावेळी सूत्रसंचालन रमेश चौधरी, जनजाती कवी देवदत्त चौधरी, कीर्तनकार गोवर्धन चौधरी यांनी केले.